A remollo (unha vez máis)

Moito me estou enganchando ás piscinas...

Unha vez máis, aquí estou metido na piscina. Esta vez en Villavicencio, unha cidade situada a escasos 90 quilómetros de Bogotá, o que lonxe de significar pouco máis de unha hora en coche son 4 horas de calvario polas pésimas estradas colombianas. Para que vos fagades unha idea, en teoría a autopista de Villavicencio é unha das mellores de país, aínda que sone a chiste. Resumindo, 4 horas para recorrer 90 quilómetros pagando uns 12 euros en peaxes... Nunca máis me volverei a queixar da AP9...

Como podedes observar, Villavicencio goza de clima tropical, como a meirande parte do país; eu diría que todo o país vive nun verán contínuo, excepto Bogotá, que é unha mezcla entre primavera e outono.

Refrescando os pés

Descansando na hamaca

Nesta ocasión alugamos entre 14 unha casiña, que para min era unha mansión, por uns 35 euros por persoa 2 noites e 2 días. A relación calidade-`rezo é inmellorable, dou fe.

Villa Emanuel

Ceador

Xardín tropical

A base de operacións: piscina + ceador

Vista nocturna

O "meu" cuarto

E nesta marabilla de casa con esa marabilla de clima pasamos 2 días alternando piscina, sol, hamacas á sombra e grelladas...

Grellada a pleno rendemento

Algo de comida saudable

Cervexas frescas

Pero o mellor destas excursións son sen dúbida algunha é a compañía. Sen a xente tan xeitosa que estou tendo a sorte de coñecer neste país a experiencia non sería a mesma. O peor é que todos estamos de paso e pronto me tocará despedir a varios. Javi, Adolfo, Cris, Adri... heivos estrañar!

Adolfo, Flo e máis eu

Aliviando a calor

Horas e horas de piscina...

Bomba colectiva! Desfrutando coma nenos...

Resultado da bomba