Na piscina da discoteca

Como comentaba no post anterior, aproveitamos a finde para sair de marcha. O sábado achegámonos a Melgar e, despois de tomar un pouco ron nunha cigarrería (xa falarei destes sitios algún día), fomos a unha discoteca con piscina. Sí, sí, unha discoteca a ceo aberto cunha psicina chantada no medio!

Por se fora pouco o tempo que pasei metido na piscina da finca, non puiden resistir a tentación e...

Aínda que a foto se ve bastante mal, ese son eu pintando a mona ás tantas da noite na piscina dun garito moi chic... Ó final Menchaca tampouco puido resistir a tentación e acabou por acompañarme...

O certo é que a experiencia non estivo nada mal. Repetiría sen dubidalo!

Para dar envexa: un pouco de verán en novembro

Este luns foi festivo en Colombia, así que tocoume facer a miña segunda viaxe dende que estou aquí. Esta vez fun a unha finca en Carmen de Apicalá, un pobo situado uns 90 quilómetros de Bogotá, que en tempo veñen sendo 3 horas de bus (!!!!), así están as comunicacións aquí...

O caso é que esta vez foi moi distinto á excursión a Chicaque. Como podedes ver, casiña con piscina (na que pasei como mínimo unha cuarta parte do tempo que estiven alí) e calor, moita calor tropical. Resulta que este pobo está a 320 metros sobre o nivel do mar, bastante máis abaixo que os 2.600 de Bogotá, así que ten clima de verán todo o ano.

O máis exótico de todo é que mentres nunha finca de Galicia podes achegarte a unha pereira ou a unha maceira para coller un pouco de froita, en Colombia tes cocos e mangos, así que nos puxemos as botas a base de almorzar coco...

E claro, por aquí tamén hai unha chea de bechos, sobre todo insectos e rás. Esta tan simpática colóusenos na casa!

Así que nada, para todos aqueles que se preguntaban: por qué Colombia? Pois por esto, pleno verán a golpe de novembro... Aquí vos espero...

PD: tamén baixamos ata o pobo de festa, pero eso merece un pos aparte...