Unha gran idea de negocio

Hai que valer para todo

Que gran idea de negocio atopei en La Paz: unha tenda de roupa - dentista. Creo que en Cangas aínda non temos ningunha. Este fulano vale para un roto e para un descosido, é un auténtico xenio.

Un "Todo a 0,35" en Quito

Estou seguro de que todos vos lembrades dos " Todo a 100" e da súa posterior transformación a "Todo a 1 euro", e de como ese todo a un euro ao final converteuse en só un reclamo e ningún dos prezos coincidía con esa cantidade...

En Ecuador non foron tan "intelixentes" (quero dicir timadores e aproveitados), e a pesares de adoptaren o dólar como moeda propia non sufriron unha inflación tan dura coma a de España nos comezos do euro por mor dos redondeos... Esta tenda de "Todo a 0,35 centavos de dólar" tróuxome moitas lembranzas dos extintos "Todo a 100" e algunhas reflexións sobre a nosa forma de ser...

Bolsas de agua, otro formato típicamente colombiano

Hai uns días amosábavos o formato de ron en brick. Hoxe quero presentarvos un formato que non é menos curioso que o anterior... Auga en bolsa de plástico. Curioso, non si?

Ron en brick, nada máis que engadir

Ron en brick, un gran avance mundial

Hoxe pouco hai que dicir porque unha imaxe vale máis que mil palabras... O ron en brick é un deses estranos formatos que existen nos supermercados colombianos que tanto chaman a atención dos expatriados... quizáis os raros sexamos nós por usar o brick únicamente para os lácteos e o viño...

Unha colombianada na Praza de Bolívar...

Fachada traseira do Capitolio

O prometido é débeda, chegou o momento de descobrir cal é a curiosidade máis importante da Praza de Bolívar...

Fachada principal do Capitolio

Cando construiron o Capitolio Nacional de Colombia cometeron un pequeno erro e construiron a fachada principal, que debería asomar cara a praza, na parte traseira e viceversa. É dicir, o que hoxe se ve na Praza de Bolívar debería estar no lado contrario e a fachada principal debería ser a que se ve na foto de arriba. Unha "colombianada" de primeira.

Aínda que ben pensado tampouco estrana tanto ver os políticos gardándose a mellor parte para eles e ensinándolles o cu ó resto do pobo, aínda que sexa o cu dun edificio...

Un anuncio con moita clase

Un anuncio con moita "clace"

Nalgún que outro post xa fixera referencia ó mal que se adoita escribir en Colombia. En Ecuador a cousa non cambia, co agravante de que o fulano en cuestión ofrece láminas educativas...

Muro con cristal rachado

Muro con cristal rachado

Cando un vive no estranxeiro nunca se sabe o que pode atopar en calquera esquina que poida acabar por facer viaxar a súa mente á súa terra, por lonxe que esté. Ás veces basta con algo tan simple como esa peza tan típica da aquitectura galega e que en Colombia tamén ten moito predicamento: "o muro con cristal rachado".

Como estar na casa, abofé que si...

Controlador de parqueo

Controlador de parking

Cal é a mellor forma para controlar o nivel de ocupación dun parking? Como saber cantos sitios quedan libres e onde están? Cámaras de vixiancia? Tecnoloxía punta?

Pois non, un fulano cun "walkie-talkie" nunha atalaia no medio e medio da zona de aparcamento. Solucións sinxelas para problemas complexos.

Selección musical 2

Despois de falar con moita xente, quedoume claro que o primeiro post de selección musical tivo moito éxito, así que vou cunha segunda parte. Desta volta a selección é máxima: unha soa "canción", pero que "canción"...

"Eso en 4 (patas) no se ve"

O reggaetón é un "estilo musical" do máis perralleiro; cunhas letras malas e unha música aínda peor, o feito de que teña tanto éxito é sen dúbida un indicador de que estamos chegando á fin do mundo...

Pero no reggaetón hai niveis, e esta canción está no cumio da pirámide, non hai nada máis machista e ferinte para o xénero feminino que esta letra parida por uns tais Ñejo e Dálmata.

Aviso de que pode ferir algunhas sensibilidades...

Puxen a versión subtitulada porque ás veces custa entender o que din. Escoitádea enteira porque NON TEN DESPERDICIO.

Algúns extractos destacables:

• Tu tienes una linda, yo feas tengo tres. COn la luz apagá eso no se ve.
• Qué carajo miras? Mira pa' la pared!
• A última hora yo tampoco tengo nada de lindo (gran verdade), así que no pongo peros, apago la luz y me la chingo.
• Me clavo las feas los sábados por la noche por si me arrepiento irme a la iglesia el domingo (este é unha das miñas partes favoritas).
• Apaga la luz y quítate la ropa... Es que en verdad no quisiera verte en pelotas (qué duro)
• Pero no te vires boca arriba, que no te quiero ver la cara ni la barriga (zas!, pódese dicir máis alto, pero non máis claro).
• Que tu causas sensación, pero de espanto. No te preocupes que yo uso la imaginación. Tu quítate el pantalóny vamos a la acción, pero no prendas velas ni la televisión, que no quiero ni chispa de iluminación (poesía pura).
• ...después de un par de tragos tu pa' mi te haces bonita...
• Una misión cabrona con la chamacona, pero lo importante es que no me fui con dolor de bolas.

E por se a alguén se pensa que a estes fulanos se lles esgotou a creatividade con esta canción, aquí deixo oura mostra da súa lírica... os 30 primeiros segundos son dun nivel moi pero que moi alto...

Agardo  comentarios...

Facer a compra en Colombia

5 quilazos de arroz

Facer a compra en Colombia non é barato. Aquí non hai un DIA% ou un Lidl no que comprar a prezos asequibles, e mercar nesta cidade é tan caro como facelo no Eroski ou no Froiz, para que vos fagades unha idea. Pero sempre hai formas de tratar de aforrar un pouco, como comprar os formatos económicos, que aquí son un pouco diferentes ós que estaba acostumado: arroz de 5 quilos, tomate frito de 1 quilo, etc.

Ademáis, aquí é moi característico o empaquetado en bolsa para o formato económico, e pódese atopar neste empacado cousas tan diferentes coma maionesa, vinagre, xabón ou mesmo auga.

1 quilo de tomate frito

Pero un dos meus favoritos é o xabón lavavaixelas en estado sólido, todo un descobremento. Mollas o estropaxo, pásalo polo xabón e xa estás listo para lavar. O mellor é que para este formato económico hai recargas; pódese mercar unha pastilla e metela no bote cando está baleiro... Eso sí que é rizar o rizo, un formato económico do formato económico!

 

Axion, o Fairy sólido

Na miña compra tampouco pode faltar algún producto local de cando en cando, por se dubidábades de que sigo sendo tan bo comedor coma sempre... As arepas son unha especie de tortas de millo, xeralmente inipidas ás que hai que botarlles algo enriba para darlles sabor. É un dos máximos expoñentes da comida tradicional colombiana; xa vedes, unha torta insípida... pero bueno, "a donde fueres haz (neste caso come) lo que vieres".

Arepas de millo

A parte mala do Caribe

Innumerables picadas na perna esquerda

Pois o malo do trópico son os mosquitos. Ata agora tivera moita sorte nas miñas anteriores saídas e apenas me picaran, pero esta vez deixáronme feito un santo Cristo entre as formigas, os mosquitos e penso que tamén as pulgas ou algún outro insecto indeterminado. Metéronse unha boa festa de sangue guiri! Menos mal que estou vacinado de todiño...

Innumerables picadas na perna esquerda

20 picadas na man esquerda, 18 na dereita

Bo Nadal

Sí, sí, xa sei que aínda non estamos a 25 de decembro e que a foto non está tomada nunha praia do Caribe como vos prometera (esa foto xa vola porei nun par de semanas...), pero coido que esta imaxe é suficiente como para darvos moita envexa da mala.

Máis datos?

Lugar: Villa Emanuel
Data: 27 de novembro
Temperatura: non menos de 26 graos

BO NADAL...

Relixión preventiva

Este carteliño tan simpático está colocado na porta do baño da miña oficina. É curioso onde está colocado, é curioso o número de faltas de ortografía e patadas gramaticais que contén e é curioso que te anime a rezar non porque creas, senón por se acaso. Pero resulta aterrador eso de "si murieras en este instante", porque nese instante estás cagando! Ver para crer.